Norsk Oscar-nominasjon
Kan få pris i selskap med George Clooney, Meryl Streep og Woody Allen.
Tysdag ettermiddag kom nominasjonane til Oscar-statuettane som blir delte ut i slutten av februar. Den norske filmen Tuba Atlantic av Hallvar Witzøe er nominert til Oscar i kategorien for beste kortfilm.
I kategorien for beste film blir det tett race mellom Steven Spielbergs War Horse, Woody Allens Midnight in Paris, Terrence Malicks The Tree of Life, Martin Scorseses Hugo og Michel Hazanavicius' The Artist. Dei konkurrerer på like fot med filmane Moneyball, The Descendants, Barnepiken og Ekremt høyt & utrolig nært. Det er The Artist som har flest nominasjonar samanlagt, med heile elleve. Hugo kjem tett bak med ti nominasjonar.
I kategorien for beste utanlandske film står iranske Nader og Simin – et brudd sterkt. Han konkurrerer med belgiske Bullhead, israelske Footnote, polske In Darkness og kanadiske Monsieur Lazhar.
I kategorien for beste mannlege skodespelar kjempar George Clooney, Demián Bichir, Jean Dujardin, Gary Oldman og Brad Pitt, mens anten Meryl Streep, Rooney Mara, Michelle Williams, Viola Davis eller Glenn Closeblir beste kvinnelege skodespelar.
Årets Oscar-utdeling er den 84. i rekkja. Showet blir leia av den amerikanske komikaren Billy Crystal.